[greil]

Moin Jakob,

na, i hab des ned zusammengehängt, des war wie gesagt a Sonderausstattung ab Werk von Werner, daßd halt mehr Hubkraft hast. Besonders unten raus, wennst zum Beispiel ausm Graben raus aufpolterst

Der hebt halt mit der Ausstattung bis zum Abwinken...

Da Seilrollenbock und d Bergstütze hängt beim Werneraufbau immer zam, schau her: Da is da Aufbai vo unserm 800er, der hebt normal übers Dreipunkt:



Da siehst des ganze dann a bissl weiter weg, war beim Mondphasenholz den Winter:



War da de Försterin no in Neureichenau, als du hinten warst?? Die glaub ich hat aber inzwischen aufghört, macht jetzt bei ihr daheim so a Feinkostzeugs glaub i.
Den Schäfer oder wen du meinst, kenn i jetzt ned. Aber bis an Lusen runter komm i normal ned.

Ja des mitm Schweißen kenn i, des wird glei recht lustig. Da mußt immer an Eimer Wasser stehen ham. Lustig wirds dann, wenn amoi a Öl oder a bissl a Diesel im Tankschutz s brennen anfangt

Also servus dawei, Grüße

Michl